Sancte pater, cuius regis ¹ excellencia mundum ²,
cuius opus servire deo, pensare querelas,
unicuique sui conferre stipendia vitis ³
et punire dolos et circumscribere pestes
orbis et ecclesiam sponso coniungere christo:
mortalis si condicio toleraret, ut esses
indeceptibilis possetque sciencia zelo
respondere tuo, quis non peccare timeret?
{Folio 154 verso}
est autem modus iste modo: reverencia nulli
fertur honestati, sed adulatoria solas
fama veretur opes, solos infamat egenos;
plusque placet dives turpis quam pauper honestus ⁴.
inde procul dubio, nisi distrahereris in omnes
ecclesie lites dirimendas, quas precor ut tu
res audire velis, peteres, ut dicere vellem;
si scires eguidem, quante versucia ⁵ fraudis
in me sevierit (,) te iudice, non ego lesus
vindictam plus appetentem ⁶, tormenta tiranno
inferres, oculusque tuus non parceret ulli.

zurück