3-63

an Cotilus

Cotile, bellus homo es: dicunt hoc, Cotile, multi.
   Audio: sed quid sit, dic mihi, bellus homo.
'Bellus homo est, flexos qui digerit ordine crines,
   Balsama qui semper, cinnama semper olet;
Cantica qui Nili, qui Gaditana susurrat,
   Qui movet in varios bracchia volsa modos;
Inter femineas tota qui luce cathedras
   Desidet atque aliqua semper in aure sonat,
Qui legit hinc illinc missas scribitque tabellas;
   Pallia vicini qui refugit cubiti;
Qui scit, quam quis amet, qui per convivia currit,
   Hirpini veteres qui bene novit avos.'
Quid narras? hoc est, hoc est homo, Cotile, bellus?
   Res pertricosa est, Cotile, bellus homo.
digerere=ordnen
balsamum=Balsam
cinnamum=Zimt
cantica Nili, cantica Gaditana=Lieder vom Nil, - aus Cadiz
volsus,a,um=enthart
tota luce=tota die
pallium=Mantel
cubitus=Ellenbogen
Hirpinus: ein bekanntes Rennpferd
pertricosus,a,um= verwickelt, kompliziert
Distichon

zurück © 2005 by nf established 2005, revised 23.07.2010     BilderGalerie